"Strep A" 94 can alğan

Angliyada “Strep A” bakteriyase kiterep çığarğan infekŝiya arqasında 94 keşeneñ ğomere özelde, alardan 21e – balalar.

Angliyadağı Sälamätlek qurqınıçsızlığı agentlığınan yasalğan açıqlawğa kürä ildä 18 yäş’tän keçkenä bulğan 21 bala Strep A bakterial’ infekŝiya arqasında yaqtı dön’yadan kitte.

Xastalıq arqasında bügengä qadär ülüçelär sanı 94 buldı.

Sälamätlek qurqınıçsızlığı agentlığı 6 dekabr’ könne yasağan açıqlawında ğailälärne infekŝiyağa qarşı iğtibarlı bulırğa kisätep, antibiotik belän däwalanuçı xastalıq oçrağınıñ aldağı yıllar belän çağıştırğanda tağın da yuğarı buluına işarät itkän ide.

Agentlık farazlağança xastalıqta artış zur ixtimal belän bakteriyaneñ cämğıyät’ êçendä yuğarı miqdarda buluına bäyle.

Strep A bakteriyase ğomümän tamaq töbe häm tiregä urnaşıp, qaywaqıt salqın tiyü häm tamaq töbe şeşüenä kiterüe belän belenä.

Bakteriya töçkerü, yütäl häm keşegä yaqın toru belän ciñel räweştä yoğa ala. Qayber citdi oçraqlarda ülemgä dä kiterä.