Zelenskiy AQŞ Kongressında çığış yasadı
Ukraina İlbaşı Volodimir Zelenskiy Rusiyägä hiç birelmäyäçäklären äytte
Zelenskiy Amerika Quşma Ştatları Kongressında qatnaşqan utırışta Kongress äğ’zalärenä möräcäğät itte.
Zelenskiy, 24nçe fevral’dän birle däwam itüçe suğışta böten dönya küñelendä Rusiyäne ciñülären belderep: "Böten qaranğı küreneşkä qaramastan Ukraina yığılmadı. Ukraina yäşi häm (Rusiyäne) kire çigenderä,” – dip äytte.
AQŞlılarnıñ häm awrupalılarnıñ da bu suğışta ciñügä ireşüen citkerüçe Zelenskiy: "Näq’ menä şuña kürä awrupalılar xäzerge waqıtta êlekkedän tağın da köçleräk,” – dip belderde.
Şul uq waqıtta ruslarnı suğış qırında da ciñärgä kiräk buluına basım yasawçı Zelenskiy: "Bu köräş balalarıbıznıñ häm onıqlarıbıznıñ nindi dönyada yäşäyäçägen xäl itäçäk,” – dip bilgeläp uzdı.
Ukraina ğaskäriläreneñ köräşen 1944nçe yılda Gitlerğa qarşı köräş alıp barğan AQŞ xärbilärenä oxşatqan Zelenskiy: "Ukraina hiç birelmäyäçäk,” – dide.
Üzlärenä birelgän xärbi kiräk-yaraqlarnıñ möhim, läkin citärle bulmawın belderüçe Zelenskiy: "Rusiyä bu genośid säyäsätendä üzenä berlektäş taptı: İran. İran Rusiyägä asqormabızğa yanawçı yözlärçä üterüçe dron cibärde,” – dip iskärtep uzdı.
Zelenskiy, Ukrainanıñ 10 mäddälek tınıçlıq formulası täq’dimnären AQŞ İlbaşı Djo Bayden belän söyläşülären citkerep: "Bolarnı urtaq iminlegebezne aldıbızdağı distä yıllar buyı garantiya astına alu öçen ütärgä tiyışbez,” – dip äytte.
Bu qısada tınıçlıq sammitın uzdırırğa täq’dim itülären belderüçe Zelenskiy täq’dim itkän tınıçlıq iniśiativasın Baydennıñ da yaqlawınnan qanäğät buluın äytep uzdı.
Zelenskiy Rusiyägä qarşı tağın da qatıraq sankśiyälär qullanırğa çaqırdı.
