Dön’yada immigrantlar sanı 280 millionnan artqan

BMO Xalıqara migraśiya oyışmasınıñ 2022 Dön’ya migraśiya xisabınnan tuplanğan mäğ’lümatlärgä kürä, 2020nçe yılda dönya külämendä 281 million migrant bula. Monnan aldağı yılğa qarağanda 3,5%qa artqan immigrant sanınıñ 135 millionı xatın-qız, 146 millionı isä irlär.

Dön’ya külämendä 1970nçe yılda 84 million häm 1990nçı yılda 153 million migrant bulsa, xalıqara migrant sanı soñğı 50 yılda 3 tapqır artqan.

Şul uq waqıtta il êçendä küçep kitüçelärneñ sanı çit ilgä kitüçelärdän tağın da kübräk.

Migrantlar iñ küp Awrupa (87 million) häm Aziya (86 million) qıytğalarında yäşi. Bu ike töbäk dönya külämendäge migrantlarnıñ 61%ın qabul itä.

Xalıqara immigrantlar sanı ike tapqırdan kübräk artqan (yaqınça 7 millionnan 15 millionğa) Latin Amerika häm Karib (Antil’ utrawları) da xalıqara migrantlar iñ küp artqan töbäk wazğıyätendä.

2019nçı yılda dönya külämendä yaqınça 169 million migrant êşçe bulsa bu global’ migrantlarnıñ yaqınça öçtä ikesen (62%ın) täşkil itä. 

Dön’ya külämendä 2020nçe yıl axırında 89 million 400 meñ keşe dä üz cirlärennän kitärgä mäcbür bulğan.

Bolarnıñ 26 million 400 meñen qaçaqlar, 4 million 100 meñen sıyınuçılar, 3 million 900 meñen küçerelgän venesuêlalılar häm 55 millionın da il êçendä küçerelgän keşelär täşkil itä.

Bäreleşlär häm qırıslıq arqasında küçep kitärgä mäcbür bulğan keşelärneñ kübese Yaqın Könçığışta häm Qara Afrikada yäşi.

2020nçe yıl azağındağı mäğ’lümatlärgä kürä, dönya külämendä 26 million 400 meñ immigrant terkälgän. Monnan tış qaçaqlar külämeneñ ber yıllıq üseş tizlege 2012nçe yıldan birle äkrenäygän bulsa da qaçaqlarnıñ sanı rekord däräcädä.

Süriyädä watandaşlar suğışı arqasında ildän kitep barğan qaçaqlarnıñ sanı yaqınça 6 million 700 meñgä citkän bulsa, monnan aldağı yılğa qarağanda yaqınça 100 meñgä artqan.

2020nçe yılda Türkiyä ber-ber artlı bişençe tapqır kübese Süriyädän buluı belän bergä 3 million 600 meñnän kübräk qaçaq belän dönyanıñ iñ küp qaçaqnı qabul itüçe il buldı.