Köçle turbulentlıqta 36 keşe yaralandı

AQŞnıñ Arizona ştatınnan Gavayi urtawları başqalası Gonoluluğa taba xäräkät itüçe oçqıç turbulentlıqqa kergännän soñ andağı 36 yulçı yaralandı.

Reystağılar aêroportqa barıp citärgä yaqınça 30 minut qalğanda siräk oçrıy torğan turbulentlıqqa kerä. Oçqıçta 278 yulçı häm 10 êkipaj äğ’zası bula. Alarnıñ 36sı köçle selketü waqıtında zıyan kürä. 11eneñ xäle şaqtıy citdi.  Alarnıñ berse - 14 aylıq bäbäy.  

Gavayi Êyr şirkäte Twitter aşa beldergänçä, yaralılarğa aêroportta berençe yärdäm kürsätelgän häm qayberläre cirle xastaxanälär tapşırılğan.

Gonolulu xastaxanäse xezmätkärläre äytüenä qarağanda, zıyan kürüçelärgä başı qatı bärelü, kiselü, qara yanu, küñel bolğanu häm añnı yuğaltu şikelle diagnozlar quyılğan