Ganada êtnik törkemnär arasında bäreleşlär bulğan
Bäreleşlärdä 7 keşeneñ ğomere özelgän, 1 keşe yaralanğan
Gananıñ Yuğarı Könçığış provinśiyäsendä ike êtnik törkem arasında yañadan başlanğan qırıslıq waqıyğalarında 7 keşe ğomeren yuğaltqan.
Milli massaküläm mäğ’lümat çaraları xäbär itkänçä, 17 nçe dekabr’dä provinśiyäneñ Bavku rayonında olı yäş’täge keşe üterelgännän soñ Kusasi häm Mamprusi êtnik törkemnäre arasında qabat bäreleşlär başlanğan.
Bäreleşlärdä 7 keşeneñ ğomere özelgän, 1 keşe yaralanğan.
Yuğarı Könçığış provinśiyäse poliśiyäseneñ cämäğät’çelek belän êlemtä bülege wäqalätlese David Fianko-Okire beldergänçä, töbäkkä qurqınıçsızlıq köçläre cibärelgän, waqıyğa buyınça tikşerü başlanğan.
Gananıñ Yuğarı Könçığış provinśiyäsendä Kusasi häm Mamprusi êtnik törkemnäre arasında tabiği çığanaqlarnı büleşä almaw arqasında waqıt-waqıt qırıslıq waqıyğaları bula.
