Franśiyädä matçtan soñ çualışlar kilep çıqtı

Franśiyädä başqala Parij häm başqa şähärlärdä 2022nçe yılğı FİFA Dön’ya kuboğında yarımfinalda cıyılma komandanıñ Marokkonı 2gä 0 isäbe belän ciñep finalğa çığuı uñayınnan bulğan bäyräm itülär qayber törkemnärneñ çualışlarına äwerelde.

Franśuz matbuğatındağı xäbärlärgä qarağanda, poliśiyä matç aldınnan Marokko häm Franśiyä tarafdarları cıyılğan Şanz-Êlize uramına barırğa cıyınuçı 40 keşelek qorallı êkstremist törkemne başqalanıñ 17nçe kvartalında totqarlağan.

Parij häm anıñ yänäşäsendä çıqqan waqıyğalarda 115 keşeneñ qulğa alınuı belderelde.

Lion şähäreneñ Bel’kur mäydanında matçtan soñ bäyräm itüçe tarafdarlar belän çiktän tış uñçı törkem arasında çıqqan ğawğanı poliśiyä ayıra. Anda 6 keşe qulğa alına.

Franśuz deputat Antuan Leoman Twitterda bolay dip yazdı: “Niśśada faşistlar rasist süzlär äytep Marokko canatarlarına höcüm itä. Rasizm - cinayät’”.

Tağın ber deputat Tomas Portes ta Twitterda Lion, Niśśa häm Montpeller şähärlärendä çiktän tış uñçı törkemnärneñ Marokko tarafdarlarına qarşı planlaştırılğan höcümnär yasawın belderde.