Germaniyädä küpme yortsız bar?
Federal’ xezmät häm sośial’ êşlär ministrlığı xisabında alarnıñ sanı 263 meñ dip belderelä
Räsmi mäğ’lümatlarğa qarağanda, Awrupanıñ iñ zur iq’tisadı bulğan Germaniyädä öysezlär sanı 263 meñgä citkän.
Bu xaqta Federal’ xezmät häm sośial’ êşlär ministrlığınıñ ildäge yortsızlar xaqındağı xisabında citkerelä.
Anda äytelgänçä, 2022 nçe yılnıñ 31 nçe ğıynwarına ildä 263 meñ keşeneñ daimi yortı yuq.
Xisap bilgeläp uzğança, öysezlär öç törkemgä bülenä: aşığıç yärdäm urınnarına sıyınuçılar, duslar yäki tanışlarında qaluçı yäşeren öysezlär häm uramda yäşäwçelär.
Yortsızlarnıñ 63%ın ir-atlar, 35%ın xatın - qızlar täşkil itä. Alarnıñ urtaça yäşe - 44.
Xisapta yortsız keşelärneñ öçtän ike öleşeneñ Geramaniya watandaşları buluına basım yasala.
Yortsızlarğa yärdäm cämğıyäte 2017 nçe yılda Germaniyädä yaqınça 650 meñ keşeneñ öysez buluın beldergän ide.
Bäyläneşle xäbärlär
Nigeriyädä höcümnär häm urlawlar
Höcümnärdä 23 keşe ğomeren yuğaltqan, 20 keşene yolım alu öçen urlağannar
