Soğud Ğaräbstanı-Qıtay sammitı

Soğud Ğaräbstanı belän Qıtay törle tarmaqlarda ike yaqlı xezmättäşlekne üsterü häm cir bötenleklären saqlaw ölkäsendä ber-berlären yaqlaw qararın qabul itte

1917102
Soğud Ğaräbstanı-Qıtay sammitı

Soğud Ğaräbstanı-Qıtay sammitınıñ yomğaq beldergese bularaq yasalğan urtaq yazmaça beldergene Soğud Ğaräbstanınıñ “SPA” räsmi agentlığı citkerde.

Patşa Sälman bin Abdulaziz Al Suud häm täxet varisı prinś Möxämmäd bin Sälmannıñ ilgä öç könlek säfär yasağan Qıtay İlbaşı Şi Cinping belän ike il arasındağı kiñ qırlı strategik urtaqlıqnı üsterü mömkinleklären qarap çığuları belderelde.

Söyläşülär waqıtında Soğud Ğaräbstanı belän Qıtaynı qızıqsındırğan xalıqara häm regional’ mäs’älälärneñ centekläp tikşerelüe äytelgän belderüdä Soğud Ğaräbstanı-Qıtay mönäsäbätlären kiñ qolaçlı strategik urtaqlıq qısalarında yaña êtaplarğa citkerüdä kileşügä ireşelüe iskärtelep uzıldı.

Patşa Sälman belän Däwlät başlığı Şineñ "kiñ qırlı strategik urtaqlıq kileşüe”nä qul quyuı xäterlätelgän belderüdä ike ilneñ tışqı êşlär belän bäyle mäs’älälärdä ber-berlärenä birgän prioritetnı däwam itterüneñ raslanuı citkerelde.

"İke yaqlı mänfäğätlärne ikelänmiçä yaqlarğa däwam itü, Soğud Ğaräbstanı belän Qıtaynıñ suverenlığın häm cir bötenlegen saqlawda ber-berlären yaqlaw, illärneñ êçke êşlärenä tıqşınmaw prinśibın xuplawda urtaq tırışular ütkärü” kebek mäs’älälärdä kileşügä ireşelüe äytelgän belderüdä Soğud Ğaräbstanınıñ tağın ber märtäbä Qıtaynıñ cir bötenlegenä bäylelegen täqrarlawına basım yasaldı.



Bäyläneşle xäbärlär