Peruda yaña ilbaşı ant itte, êlekkegesen törmägä yaptılar

Peruda viśe-prezident Dina Boluarte ilneñ yaña ilbaşı bularaq ant itte.

Êlekkege ilbaşı Pedro Kastil’onı Kongress “däwamlı äxlaqıy citeşsezlektä” ğayepläp wazıyfasınnan aldı. Şunnan soñ Boluarte Perunıñ berençe xatın-qız däwlät başlığı buldı.  

Yaña citäkçe Kongressqa alqışlar astında kerde. Ul üzeneñ çığışında: “Täñre, watan häm barlıq perulılar isemennän ant itäm - ilbaşı wazıyfamnı tuğrılıq belän başqaraçaqmın häm Perunıñ Konstituśiyäsen 2026nçı yılnıñ 26nçı iyülenä qadär saqlayaçaqmın,”-dide.

Boluarte oyışmalarda moñarçı kürelmägän tüntäreleş kereşüe barlığın assızıqladı. “Bu wazıyfama zur cawaplılıqnı añlap kereşäm häm berençe êşem barlıq Peru xalqın iñ külämle räweştä berdämlekkä çaqıru. Dialog tözü häm baru bezgä bäyle. Barlıq säyäsi köçlär arasında kiñ dialog çaqıruı yasıym,”-dide ul.  

Boluarte watandaşlarnıñ töp xoquqların xörmät itäçäklären, maqsatlarınıñ ilneñ ixtiyacı bulğan säyäsi häm iq’tisadi reformalarnı tormışqa aşıru buluın söyläde.

Pedro Kastil’o kiçä xalıqqa möräcäğat’ itep Kongressnıñ tarqatıluın, il belän ğadättän tış xökümät idarä itäçägen häm yaña Kongresnı saylaw belän 9 ay êçendä yaña Konstituśiyä äzerlänäçägen söylägän ide. Ul Kongressnıñ xökümätne maqsat itep aluın äytte.

Kastil’onıñ qararınnan soñ bik küp ministrlar wazıyfalarınnan kitüen belderde.

Kastil’onı Kongress wazıyfasınnan azat itte häm qulğa alıp törmägä ozattı. Moña säbäp itep “ictimağıy funkśiyälärne tartıp alırğa mataşu, däwlät wäqalätlären qullanuğa komaçawlaw häm säyäsi konstituśiyä belän bilgelängän tärtipne bozu” kürsätelde.  

Peru qorallı köçläre häm poliśiyäse oyışmalarınıñ konstituśion tärtipne xörmät itüen häm monı bozuçı ğamäl başqarmayaçaqların belderde. Alar berdämlektä buluların citkerep, xalıqnı tınıç bulırğa çaqırdı.