"Üz-üzebezne yuqqa çığarabız"

BMO ğomüm särqätibe Antoniu Guterreş Biologik törlelek konferenŝiyasendä çığış yasadı

1915949
"Üz-üzebezne yuqqa çığarabız"

Berläşkän Millätlär Oyışması ğomüm särqätibe Antoniu Guterreş Kanadanıñ Monreal’ şähärendä oyıştırılğan BMOnıñ Biologik törlelek konferenŝiyasendä (COP15) çığış yasadı.

Keşelekneñ tirä-yaq moxitka zıyan saluın äytkän Guterreş: “Tabiğat’ne bädräf kebek qullanıp, üz-üzebezne yuqqa çığarabız,” – dide.

Guterreş tübändägeçä däwam itte: “Cir, su häm hawa ximikatlar, böcäk daruları häm plastiklardan ağulana. Keşelek dön’yası kontrol’sez häm proporŝional’ bulmağan iqtisadi üseşkä özleksez omtılu belän massaküläm yuqqa çığaru qoralına äylände. Tabiğat’ häm biotörlelekneñ zıyan kürüe arqasında keşelärgä zarar kilä. Êşsezlek, açlıq, xastalıq häm ülemnär arttı. Êkosistemanıñ bozıluı belän 2030 yılğa qadär yıllıq yuğaltularnıñ 3 trillion dollar bulacağı küzdä totıla. Su, azıq-tölek häm ênergiya öçen isä tağın da yuğarı bäyälär kötä bezne.”

BMO ğomüm särqätibe bu konferenŝiyaneñ cimerüne tuqtatu öçen soñğı şans buluın äytep: “Sıltaw häm kiçekterülärdän taypılıyq. Birelgän süzlär cirenä citkerelergä tiyeş,” – dide.

Guterreş xökümätlärne biotörlelek öçen köräştä qıyu milli ğamäl plannarın çınğa aşırırğa çaqırdı.

COP15 bularaq ta belenüçe konferenŝiyaneñ berençese uzğan yılnı Qıtayda oyıştırılğan ide.

17 meñ qatnaşuçı häm 900dän artıq media äğzase qatnaşqan konferenŝiya 19 dekabr’ğa qadär baraçaq.



Bäyläneşle xäbärlär