İzrail İske şähärne qamalışqa aldı

İzrail köçläre yaw astındağı Yordannıñ könbatış üzänlegendäge Nablus qalasına bäyle İske şähär töbägen qamaw astına aldı

1915631
İzrail İske şähärne qamalışqa aldı

Cirle çığanaqlardan alınğan mäğ’lümatkä kürä, Nablusta tentü ütkärgän İzrail ğaskäre, qaladağı İske şähärne qamalışqa alıp, kerü-çığu yulların yaptı.

Töbäktäge fälästinlelär belän İzrail xärbiläre arasında ızğış-talaşnıñ yäşänüe häm qoral tawışlarınıñ işetelüe citkerelde.

Fälästindä üzlären “Arıslannarnıñ oyası” dip atağan häm İske şähärdä oyışqan törkem kiçä İzrailneñ teläsä qaysı ber höcümenä qarşı uyaw buluların iğ’lan itkän ide.

İzrail soñğı waqıtlarda yaw astındağı Yordannıñ könbatış üzänlegeneñ törle töbäklärendä tentülär häm qulğa alu operaśiyälären arttırdı.

İzrail xärbiläre tentülärgä reakśiya kürsätkän fälästinlelärgä plastik pulya belän bergä yış-yış çın pulya belän dä ut aça. Şuña kürä Yordannıñ könbatış üzänlegeneñ törle töbäklärendä fälästin törkemnäre belän İzrail xärbiläre arasında bäreleşlär kilep çığa.



Bäyläneşle xäbärlär