AQŞ arakanlı möselmannarnı üzenä sıyındıraçaq
Yıl sayın Banladeşqa sıyınğan 300dän 800gä qadär arakanlını AQŞqa ozatu palnlaştırıla
Yaqınça 1 million arakanlı möselmannı sıyındırğan Koks Bazar töbägennän yıl sayın 300dän 800gä qadär möhacirne Amerika Quşma Ştatları qabul itäçäk. Bu xaqta Bangladeş tışqı êşlär ministrı Ak Abdul Momen başqala Dakkada uzğan matbuğat cıyılışında söyläde. Berençe êtapta 8nçe dekabr’ könne 62 arakanlı möselmannı AQŞta urnaştıru planlaştırıla.
“Amerikalı wäkilgä cibärelüçelärneñ barı keçkenä törkem ikänen äyttem. Ul monıñ başı ğına buluın belderde,”-dip söyli Momen. Ul üzeneñ 4nçe aprel’dä Vaşingtonda AQŞ däwlät särqatibe Êntoni Blinken belän oçraşuın häm anda arakanlı möselmannarnı qabul itü mäs’äläsen söyläşüen, äñgämädäşeneñ dä rizalaşuın citkerde.
Momen Bangladeş östendäge möhacir basımın ciñeläytü öçen kimendä 100 meñ arakanlı möselmannı alrğa kiräklegen söyli. Ul Angliyä häm Yaponiyä şikelle alğa kitkän illärgä dä möräcäğat’ itkän.
Koks Bazar töbäge tabiğıy afätlär häm klimat üzgärü täêsirlärenä duçar. Älege cirlektä 2017nçe yılnıñ avgustınnan soñ basım häm zolımnan qaçuçı yaqınça 1 million arakanlı möselman sıyındı.
