“Strep A” bakteriyase 9 can aldı

Angliyada “Strep A” bakteriyaläre kiterep çığarğan infekŝiyadan ülgän balalar sanı 9ğa citte.

Tön’yaq İrlandiya başqalası Belfastta 5 yäş’lek qız bala älege infekŝiyadan ğomere özelgän 9nçı bala buldı.

Angliyada Mäğariftän cawaplı däwlät ministrı Nik Gib “Strep A”dan täêsirlängän mäktäplärdä infeskŝiyaneñ cäyelüen tuqtatu öçen balalarğa antibiotik birelä alınaçağın açıqladı.

Angliyaneñ Sälamätlek saqlaw agentlığı mäs’älä belän bäyle bularaq açıqlaw yasap, ğailälärne infekŝiyağa qarşı iğtibarlı bulırğa kisätep, xastalıqnıñ uzğan yıllarğa kürä artuına işarät itkän ide.

Agentlık farazlağança artış zur ixtimal belän bakteriyaneñ cämğıyät’ êçendä yuğarı miqdarda buluına bäyle.

Strep A bakteriyase ğomümän tamaq töbe häm tiregä urnaşıp, qaywaqıt salqın tiyü häm tamaq töbe şeşüenä kiterüe belän belenä.

Bakteriya töçkerü, yütäl häm keşegä yaqın toru belän ciñel räweştä yoğa ala. Qayber citdi oçraqlarda ülemgä dä kiterä