Êş urınında 5 keşeneñ berse naçar möğamälä kürä

Biş keşeneñ kimendä berse êş urınında köç qullanu häm êzärlekläwgä duçar bula. Bu xaqta BMOnıñ Xalıqara mäşğul’lek oyışması xisap äzerläde. Anda 121 ildän 75 meñ tiräse êşläwçe keşe belän äñgämä uzdıralar.

“Êştä köç qullanu häm êzärlekläwlär täcribäse: berençe dön’yaküläm tikşerenü” dip ataluçı xisapta êş urınında naçar möğamälägä duçar buluçılarnıñ yäşe, cenese häm regionına qarap statistikaları birelä.

Tikşerenüdän kürengänçä, 5 êşläwçeneñ kimendä berse (yaqınça 23%ı) êş urınında fizik, psixologik häm censi bäylänü yäisä êzärlekläwgä duçar bula.  

Äñgämädä qatnaşqan ir-at häm xarın-qızlarnıñ 17,9%ı psixologik basım häm êzärlekläw kiçerä. 8,5%ı fizik köç qullanu häm bäylänügä duçar bula. İr-at êşläwçelär mondıy xälgä tağın da kübräk tarığan.

Xisapta fikerläre alınğan êşläwçelärneñ 6,3%ı, bu bigräk tä xatın-qızlar, censi köç qullanu häm bäylänügä duçar bula.

Êş urınında köç qullanu häm êzärlekläw oçraqları iñ kübe Amerikada kürenä. İkençe urında - Afrika.