Süriyädä "mäcbüri yuğaluçılar"nı êzläw

Süriyädäge watandaşlar suğışında Äsäd rejimı köçläre “mäcbüri yuğaltqan” keşelärneñ yazmışların açıqlaw öçen bäysez mexanizm buldıru küzdä totıla. Keşe xoquqların küzätü oyışması häm Xalıqara yarlıqaw komitetı monıñ belän bäyle urtaq belderü yasadı. Anda Süriyädä 2011nçe yılnıñ martında başlanğan watandaşlar suğışında qulğa alınğan häm yuqqa çıqqan distälärçä meñ keşeneñ yazmışı bilgesez buluı assızıqlana. İke oyışma da alarnı açıqlaw öçen xalıqara wäqalätkä iyä bäysez mexanizm tözü öçen çaqıru yasıy.

“Başlıça qulğa alınğannan soñ ülem belän tögällängän älege yuqqa çığu oçraqlarınıñ kübese öçen Bäşşar Äsäd xökümäte cawaplı” diyelä belderüdä.

Süriyädä xäzer dä 150 meñnän artıq keşe suğışuçı törle yaqlarnıñ törmäläre yäisä izolyatorlarında totıla. Alarnıñ kübesennän yıllar buyı xäbär yuq.