Ğıys'yançılar höcümendä bik küp keşe ülde

Kongo demokratik cömhüriyäteneñ könçığışındağı Tön’yaq Kivu töbägendä ğıs’yançılarnıñ höcümendä 50 grajdanlınıñ ğomere özelde. İlneñ armiyäse wäkile, mayor Sil’ven Êkenge cirlekneñ Rutşuru rayonında “23nçe mart xäräkäte” dip ataluçı törkem äğ’zalarınıñ höcüm oyıştıruın citkerde. Anda ülüçelärdän tış urlanuçılar da bar.

Kongo demokratik cömhüriyäte “23nçe mart xäräkäte”n Ruandanıñ yaqlawın alğa sörä. Alarnıñ Tön’yaq Kivu töbäge başqalası Gomanı qulğa töşerüennän qurqalar.  

Ruanda älege belderülärne kire qağa. İke däwlät arasında säyäsi häm diplomatik kiyerenkelek däwam itä.

BMO xisaplarına qarağanda, Kongo demokratik cömhüriyäte çiklärendä çığarıluçı qayber qıymmätle qazılmalarnı ğıys’yançılar kürşe illärgä urlıy.