Twitter bloklanğan akkauntlarnı aça başladı

Twitter, idarägä Mask kilgännän soñ, AQŞnıñ êlekkege ilbaşı Donal’d Tramp, kongress äğ’zası Mardjori Taylor Grin, rêpçı Kan’ye Uêst häm monnan alda bloklanğan başqa qayber akkauntlarnı açqan ide inde

1913037
Twitter bloklanğan akkauntlarnı aça başladı

Sośial’ media platforması Twitternıñ yaña xucası, amerikalı texnologiyä êşquarı İlon Mask monnan êlek bloklanğan qayber akkauntlarnı aça başladı.

Britaniya gazetı “Dailymail”nıñ texnologiyä xäbärläre citkerüçe  “Platformer News” internet säxifäsenä tayanuçı yazmasında äytelgänçä, 10 meñnän artıq yazıluçısı bulğan yaqınça 62 meñ akkauntnı qabat qullanu öçen açu prośessı başlandı. Alar arasında Aq Yortnıñ êlekkege kiñäşçelärennän Stiv Bênnon häm aq rasanıñ östenlegen yaqlawçı ku-klux-klan törkemeneñ êlekkege liderı Dêvid D’yuknıqı da bar.

Mask yabılğan Twitter akkauntlarınıñ bu atnadan başlap açılacağın 23nçe noyabr’dä xäbär itte. Ul bu nisbättän “Twitter qanunnarnı bozmağan yäisä bik küp spam cibärmägän bloktağı akkauntlarğa ğomumi amnistiyä täq’dim itsenme?” digän soraştıru ütkärde. Anda qatnaşqan 3,1 million keşeneñ 72,4%ı monı xupladı, 27,6%ı isä qarşı kilde.

Twitter, idarägä Mask kilgännän soñ, AQŞnıñ êlekkege ilbaşı Donal’d Tramp, kongress äğ’zası Mardjori Taylor Grin, rêpçı Kan’ye Uêst häm monnan alda bloklanğan başqa qayber akkauntlarnı açqan ide inde.  

Monnan tış, Twitter köç qullanu häm yanawğa çaqıruçı akkauntlarnı yabu däwam itäçägen dä citkerde.



Bäyläneşle xäbärlär