Äl-Kuräyşi üterelde

DEAŞ liderınıñ oktyabr' ayında üterelüe açıqlandı

1913227
Äl-Kuräyşi üterelde

AQŞ üzäk xärbi komandalığı DEAŞ terrorçı oyışmasınıñ liderı Äbu İbrahim Äl-Xaşimi Äl-Kuräyşi üterelgännän soñ anıñ urınına quyılğan Äbu äl-Xassan äl-Xaşimi äl-Kuräyşineñ dä oktyabr’ ayında yuq itelüen belderde.

Üzäk komandalıq süzçese, polkovnik Djo Buççino bolay dip citkerä: “Äbu äl-Xassan äl-Xaşimi äl-Kuräyşineñ oktyabr’ urtasındağı üleme DEAŞqa köçle bärde. Bu operaśiyä Süriyä bäysez armiyäse tarafınnan Dar’a töbägendä başqarıldı”. Tik AQŞ wäkile DEAŞnıñ cirlek öçen äle haman da yanaw täşkil itüen häm oyışmanıñ tulısınça ciñelüe öçen tırışuların äytte.

Älege terrorçı oyışma belän köräşüçe AQŞ citäkçelegendäge koaliśiyäneñ bu höcümdä nindi role buluı bilgele tügel.

Amerika köçläre Ğıyraq, Süriyä, Yordaniyä çigen berläşterüçe Äl-Tanıf regionında Mugavvir Ät-Tavra dip ataluçı ber oppoziśiyä törkeme belän xezmättäşlek itä. Alar küptän tügel üzläreneñ atamaların “Süriyä bäysez armiyäse” dip üzgärtte.

DEAŞnıñ täwge liderı Bäkir Äl Bağdadinıñ urınına kilgän Äbu İbrahim Äl-Xaşimi Äl-Kuräyşinı isä fevral’dä AQŞ maxsus köçläre Süriyäneñ tön’yaq-könbatışında operaśiyä oyıştırıp ütergän ide.



Bäyläneşle xäbärlär