Rusiyä aşlaması töyälgän berençe köymä yulğa çıqtı

Qara diñgez aşlıq koridorı kileşüeneñ yañartıluınnan soñ Rusiyäneñ aşlama töyälgän berençe köymäse Niderland portınnan xäräkät itte

1912810
Rusiyä aşlaması töyälgän berençe köymä yulğa çıqtı

Berläşkän Millätlär Oyışması ğomum särkätibe süzçese Stefan Dyujarrik 20 meñ tonna Rusiyä aşlaması töyälgän köymäneñ Niderlandtan yulğa çığuın belderde.

BMO Bötendönya azıq-tölek programması tarafınnan bilgelängän köymäneñ Mozambik aşa Malavigä kitäçägen iskärtep uzuçı süzçe Dyujarrik monıñ kiläse aylarda Afrika illärenä başqarılaçaq aşlama cibärelüeneñ berençese buluına basım yasadı.

Dyujarrik Rusiyä-Ukraina suğışınıñ 24nçe fevral’dä başlanuınnan soñ Rusiyä aşlama citeşterüçeläreneñ Awrupa portlarında urnaşqan 260 meñ tonna aşlamanı büläk itüennän qanäğätlelegen citkerde.

Bu iganäneñ humanitar ixtıyaclarnıñ öleşçä qanäğätländerelüenä häm Afrikada fäläkät däräcäsendä uñış yuğaltuın totqarlawına öleş kertüen iskärtep uzuçı Dyujarrik: "Global’ azıq-tölek qurqınıçsızlığınıñ 2023nçe yılda täêmin itelüe öçen möhim adım," – dip äytte.

İlbaşı Räcäp Tayyip Ärdoğan 17nçe noyabr’dä Türkiyä tarafınnan qabul itelgän dürt yaqlı söyläşülär näticäsendä Türkiyä, Berläşkän Millätlär Oyışması, Rusiyä häm Ukraina arasında ireşelgän qarar nigezendä Qara diñgez aşlıq koridorı kileşüeneñ 19nçı noyabr’dän başlap 120 köngä ozaytıluın beldergän ide.

Ukrainadağı suğışnıñ başlawı belän barlıqqa kilgän global’ azıq-tölek krizisınıñ çişeleşe öçen Türkiyäneñ koordinaśiyasında alıp barılğan aşlıq cibärelüe kileşüe İstanbulda 22nçe iyül’dä İlbaşı Ärdoğan ximayäsendä Ukraina, Rusiyä, Türkiyä häm BMO arasında imzalanğan ide.



Bäyläneşle xäbärlär