Qıtaynıñ êlekkege däwlät başlığı ülde

Śzyan Śzêmin’ 96 yäşendä xastaxanädä küzlären mäñgelekkä yomdı

1912974
Qıtaynıñ êlekkege däwlät başlığı ülde

Qıtaynıñ êlekkege däwlät başlığı Śzyan Śzêmin’ 96 yäşendä wafat buldı. Sonğı çorda ul leykemiyä häm küp organnarnıñ citkeleksezlegennän däwalanğan. Êlekkege lider Şanxay xastaxanäsendä can birä.

Śzyan Śzêmin’ 1989nçı yılda başqala Pekinda Tyan’an’mên’ mäydanındağı rizasızlıq çaralrın qanlı räweştä bastırudan soñ xakimiyätkä kilä. Ul üzennän aldağı lider Dên Syaopinnıñ reformaların tormışqa aşıra.

1990nçı yıllarda il belän idaräne üz qulına alğan Śzyan ul waqıtqa qadär inqıylabnıñ berençe buın xärbi häm säyäsi figuralarınnan toruçı Qıtay kommunistlar partiyäsendä instituśional’ struktura barlıqqa kiterä häm xakimiyätkä grajdanlı byurokratiyäne tarta.

Partiyädäge konservatorlarnıñ qarşılığına qaramastan, Śzyan Śzêmin’üzeneñ “öç wäkillek” teoriyäsen tormışqa aşıra häm intelligenśiyäneñ säyäsi xoquqların êşçe-krest’yannarnıqı belän tigezläp, alarğa partiyägä yul aça.



Bäyläneşle xäbärlär