Pol'şa migrantlardan aqça alaçaq
Xökümät sıyınu üzäklärendä 4 aydan artıq yäşäwçe ukrainalı migrantlardan aqça alırğa planlıy
Pol’şa xökümäte ildäge sıyınu üzäklärendä 4 aydan artıq yäşäwçe ukrainalı migrantlardan aqça alırğa planlıy.
Pol’şa mediasında urın aluçı xäbärlärgä kürä ber törkem qararlarnı üz êçenä aluçı qanun ölgese Ministrlar Şurası tarafınnan raslandı.
Moña kürä Pol’şadağı sıyınu urınnarında yäşäwçe Ukraina watandaşları sıyınu häm azıq-tölek öçen tüläyäçäk.
Däwlät tarafınnan finanslanuçı tulay toraqlar häm qunaqxanälär kebek yortlarda 120 könnän artıq yäşäwçelär könenä 40 zlotidan (8,83 dollar) artmaw şartı belän üzqıymmätneñ 50%ın tülärgä mäcbür bulaçaq.
180 könnän soñ isä 60 zlotidan (13,25 dollar) artmaw şartı belän üzqıymmätneñ 75%ı migrantlar tarafınnan tülänäçäk.
Älege planğa olı yäş’tägelär, ğariplek arqasında êşli almawçılar häm yöklelär kermi.
Yaña qağıydälärneñ 2023 yılnıñ 1 mart könne ğamälgä kerüe kötelä.
Rusiyä-Ukraina suğışı başlanğannan soñ Pol’şağa 8 million ukrainalı migrant kitte. Bolardan zur öleşe illärenä qayttı yäisä Könbatış Awrupa illärenä yul tottı.
Pol’şa cirlärendä xäzerge waqıtta yaqınça million yarım Ukraina watandaşı yäşi.
