İrandağı rizasızlıq belderü çaralarında ğomerlären yuğaltuçılar sanı 448 gä citkän

Bu xaqta Norvegiyädä urnaşqan İran Keşe xoquqları oyışmasınıñ internet säxifäsendä dön’ya kürgan xisapta citkerelä

1912747
İrandağı rizasızlıq belderü çaralarında ğomerlären yuğaltuçılar sanı 448 gä citkän

 İranda yäş’ xatın - qıznıñ qulğa alınğaç ülemennän soñ başlanğan rizasızlıq belderü çaralarında ğomerlären yuğaltuçılar sanı 448 gä citkän.

Bu xaqta Norvegiyädä urnaşqan İran Keşe xoquqları oyışmasınıñ internet säxifäsendä dön’ya kürgan xisapta citkerelä.

 Anda äytelgänçä, İranda soñğı atnada bulğan waqıyğalarda  16 keşeneñ ğomere özelgän.

İldäge 31 provinśiyäneñ 26 sı turında mäğ’lümatnı üz êçenä alğan xisapta iñ küp ülem oçraqlarınıñ 128 keşe belän Sistan-Bäluçistanda terkälüe belderelä.

Xisap bilgeläp uzğança, rizasızlıq çaralarında ğomeren yuğaltuçılarnıñ 29ın –xatın - qızlar, 60 ın – 18 yäş’kä qadärgelär täşkil itä.

İran inqıylap saqçıları armiyäse komandirı Ämir Ali Xacızadä kiçä yasağan belderüendä protest çaralarında xäzergä çaqlı qurıqnıçsızlıq köçlären dä kertep 300 dän artıq keşeneñ ğomeren yuğaltuın citkergän ide.

İran räsmiläre qorbannarnı qurqınıçsızlıq köçlare tügel, “provokatorlar” kiterep çığara dilär.



Bäyläneşle xäbärlär