"Ciñügä genä tügel, ğadellekkä dä ixtıyacıbız bar"

Bu xaqta Ukraina ilbaşınıñ xäläl cefete citkerde

1912959
"Ciñügä genä tügel, ğadellekkä dä ixtıyacıbız bar"

Ukraina däwlät başlığı Vladimir Zelenskiynıñ xäläl cefete Yelena Zelenskaya Angliyağa yasağan säfäre qısalarında Parlamenttağı ber komitet zalında xalıq ışanıçlılarına möräcäğat’ itte.

24 fevral’dan bügengä qadär Ukrainada suğışuçı ruslarnı naŝistlarğa oxşatqan Zelenskaya İkençe Bötendön’ya suğışında naŝist Germaniyase hawa höcümnärendä şähärlärne bombağa totqanda Angliyada kürelgän terrornı ukrainalılarnıñ üz başınnan uzdıruın äytte.

“Här kön sirena tawışların işetäbez. Sez bireşmädegez, bez dä bireşmibez. Läkin ciñügä genä tügel, ğadellekkä dä ixtıyacıbız bar,” – dide ul.

Yelena Zelenskaya Rusiyä armiyaseneñ Ukrainada “sistematik qırıslıq” başqaruın belderep, rus yawlawınnan qotqarılğan şaqtıy rayon häm awılda “intekterü bülmäläre”neñ buluın açıqladı.

İleneñ ênergiya asqorımasınıñ Rusiyä höcümnärendä zıyan kürüen äytkän Zelenskaya: “Doşmanıbız bezne qarañğıda häm salqında qaldırırğa teli,” – dide.



Bäyläneşle xäbärlär