İtaliyädä cir ubıluda yuğalğannarnıñ gäwdäläre tabıla

26nçı noyabr’dä bulğan afättä yuqqa çığuçılarnı êzläw däwam itä

1912245
İtaliyädä cir ubıluda yuğalğannarnıñ gäwdäläre tabıla

İtaliyänen İsk’ya utrawında 26nçı noyabr’dä bulğan cir ubıluda yuqqa çığuçılarnı êzläw êşçänlekläre barışında 8nçe keşeneñ cansız gäwdäse tabıldı. Şimbä könne çiktän tış köçle yañğır säbäple töbäktä cir şuışu küzätelde.

İtaliyäneñ ANSA agentlığı citkergänçä, tabiğıy afättä ülgän 15 yäş’lek Mişel’ Montinıñ gäwdäse bilgelängän urınnan çığarıldı. Şulay itep, hälakättä ğomere özelüçelärneñ sanı 8gä citte. Yuğalğan 4 keşene êzläw cirdä häm diñgezdä däwam itä. Anda yanğın sünderü, grajdanlı saqlanu häm iminlek köçläre qatnaşa.

Grajdanlı saqlanu idaräse mödire Fabriśio Kursio “La Stampa” gazetına interv’yuda İtaliyädäge toraq punktlarnıñ 94%ına cir şuışu, su basu yäisä yar buyı êroziyäse yanawın belderde.

İsk’ya utrawındağı afättän soñ il kön tärtibenä qanunsız yort tözü probleması çıqtı. İtaliyä äylänä-tirä moxit häm ênergetika qurqınıçsızlığı ministrı Jil’berto Piçetto Fratin qanunsız tözeleşkä röxsät birgän mêrlarnı qylğa alırğa kiräklegen äytte. Anıñ bu süzläre oppoziśiyädäge Demokratlar partiyäse, xakimiyät başlıqları häm başqa bik küp keşeneñ rizasızlığına kiterde. Xätta Fratinnı wazıyfasınnan kitärgä çaqırdılar.



Bäyläneşle xäbärlär