Livan qabat lidersız qaldı

Livanda 14nçe ilbaşın saylar öçen Mäclestä uzğan 7nçe utırışta da kandidatlar citärle tawış cıya almadı.

Livan Mäclesendä 31 oktäbr’ könne wazifa waqıtı tulğan däwlät başlığı Mişel Avn urınına kiläçäk isemne saylar öçen ütkärelgän cıyılışta 128 xalıq ışanıçlısınnan 110ı qatnaştı.

Saylawda namzätlärdän Mişel Muavvad 42, İsam Halife 6, Ziyad Barud 2 tawış cıydı, 60 tawış yaraqsız bulıp sanaldı.

Moña kürä kandidatlar kiräkle tawış ala almadı.

Mäcles başlığı Nebih Berri utırıştan soñ yaña ilbaşı saylawınıñ 8nçe utırışınıñ 1 dekabr’da uzaçağın belderde.

İldä berençe utırış 29 sentäbr’da uzğan ide.