Putin: “Bez aşlama êksportın arttırırğa äzer”

Rusiyä İlbaşı Vladimir Putin, ileneñ aşlama êksportınıñ “yasalma kirtälär” belän oçraşuın belderep: “Kirtälärdän iñ küp zarar kürgän global’ bazarlar. Bez bu ölkädä iskärmäsez böten urtaqlarıbız belän êşçänlegebzne kiñäytergä äzer”, - dip äytte

1910031
Putin: “Bez aşlama êksportın arttırırğa äzer”

Putin başqala Mäskäwdä ilneñ iñ zur aşlama citeşterüçelärennän “Uralxim”nıñ töp akśionerı häm Rusiyä sänäğätçeläre häm êşmäkärläre berlegeneñ aşlama citeşterüçeläre komissiyası başlığı Dmitriy Mazepin belän oçraştı.

Könbatış illäreneñ sankśiyäläre arqasında Afrika illäreneñ Rusiyä belän êlemtägä kerüen belderüçe Putin: “(Könbatış illäre) älbättä, nilär buluın añlıy almıylar. Çönki gel fäqıyr’ illärgä yärdäm itelüe zarurlığı turında äytäbez häm bez buşlay täêmin itärgä telägän aşlama yärdämnäre dä xätta totqarlana. Bu hiç qabul itelmäslek”, - dip äytte.

Rusiyä aşlama êksportınıñ isä üseş aluın däwam itüen citkerüçe Putin: ““Uralxim” - dönyanıñ iñ zur aşlama citeşterüçelärennän. Qayber illärneñ yasalma kirtälärenä qaramastan (êksportnıñ) êşçänlekneñ şaqtıy uñışlı baruın beläm. Kirtälärdän iñ küp zarar kürgän global’ bazarlar. Bez bu ölkädä iskärmäsez böten urtaqlarıbız belän êşçänlegebzne kiñäytergä äzer,” – dip belderde.

Mazepin isä, Rusiyä aşlama êksportınıñ öç töp problema belän oçraşuın belderep: “Bolar köymälärneñ arendağa alınuı, sośial’ täêminatlar (straxovkalar) häm tüläwlär. Banklar bik citdi kirtä tudıra. Çönki teläsä qaysı ber bankta êşläwçe tübän däräcäle xoquqçı da xätta böten tüläwlärne totqarlıy ala. Şuña kürä dollar häm yevro belän êşlämäwne öyrändek. Mäsälän, Braziliyağa aşlama êksportıbız öçen tüläwlär yuan’ belän başqarıla,” – dide.

Üzlärenä yevro häm dollar qullanunıñ tıyıluın citkerüçe Mazepin üsep baruçı küp sanda ilneñ aşlama öçen tüläwne yuan’ belän tülärgä äzer buluın iskärtep uzdı.



Bäyläneşle xäbärlär