Yaponiya raketanı sınap qarağan
Tön’yaq Koreyanıñ ber-ber artlı ütkärgän raketa sınawları Koreya yarım utrawında häm tirä-yağında iminlek borçıluların arttırğan bulsa, Yaponiya yaña saqlanu adımın yasadı
Yaponiya saqlanu ministrlığı “SM-3 Blok 2A” totqarlaw raketasınıñ uñışlı räweştä sınap qaraluın belderde.
Amerikan xärbi bazasınnan cibärelgän urta radiuslı ballistik raketanıñ “Aegis” raketa saqlanu sisteması belän cihazlandırılğan “Maya” törendäge xärbi köymädän 16nçı noyabr’dä oçırtılğan raketa tarafınnan Tın okeanı östendä 100 çaqrım biyıklektä uñışlı räweştä totqarlanıluı citkerelde.
Yaponiya saqlanu ministrlığınnan yasalğan belderüdä, “SM-3 Blok 2A” (SM-3 Block IIA) raketasın Amerika Quşma Ştatları belän Yaponiyanıñ bergä qamilläşterüe äytelep, sistemanıñ berençe tapqır Yaponiya tarafınnan sınap qaraluı iskärtelep uzıldı.
Saqlanu xezmättäşlege aviaśiya şirkäte “Lockheed Martin” tarafınnan AQŞ Saqlanu ministrlığı öçen qamilläşterelgän “Aegis” ballistik raketa saqlanu sistemasın alğan ikençe il bulğan Yaponiyanıñ şuşı sistema belän cibärelgän raketanıñ yaña variantı bulğan “SM-3 Blok 2A” (SM-3 Block IIA)nıñ qamilläşterelüe ölkäsendä Amerika Quşma Ştatları belän xezmättäşlek urnaştıruı belenä.
