Ğazzädäge yanğınnıñ oçraqlı çığuı açıqlandı

İzrail blokadası astında yäşäwçe Ğazzädäge Cäbaliyä möhacir lagerında çıqqan häm 22 keşe hälaq bulğan yanğınnıñ oçraqlı räweştä başlanuı belderelde. Älege mäs’älä belän bäyle räweştä oyıştırılğan matbuğat cıyılışında baş prokuror Möxämmät än-Naxxal waqıyğanıñ aldan uylanıp êşlängän yawız niyätle ğamäl bulmawın citkerde.

“Yanğın Äbu Raya ğailäseneñ balalarınıñ çit ildän qaytuın bäyräm itü öçen ut yaqqan waqıtta kilep çığa,”-dide baş prokuror. Êçendä benzin bulğan ber plastik sawıtqa oçqın êlägä häm şunnan yanğın başlana. Ut öy cihazlarına häm şinnarğa küçkännän soñ sünderä almaslıq xälgä kilä.

Naxxal äytüençä, yanğın ğailä äğ’zaları bulğan bülmä yänäşäsendä çığa, şıl säbäple öydägelär yanğınnan qaça almıy.

Cäbaliya möhacir lagerındağı ber binada 17nçe noyabr’dä çıqqan yanğında 22 keşeneñ ğomere özelde. Fälästin däwlät başlığı Mäxmüt Abbas şunnan son ildä milli matäm iğ’lan itte.