Zelenskiy Ärdoğanğa räxmäten belderde

Zelenskiy tönlä “Telegram” akkauntınnan urtaqlaşqan üzeneñ köndälek videoyazmasında Qara diñgez aşlıq koridorı kileşüeneñ Türkiyä, Berläşkän Millätlär Oyışması, Rusiyä Federaśiyäse häm Ukraina arasında qabul itelgän qarar nigezendä ozaytıluın bäyäläde.

Aşlıq iniśiativası näticäsendä 1nçe avgusttan birle Ukrainanıñ Odessa töbäge portlarınnan 450dän kübräk köymä belän tuplam 11 million tonnağa yaqın azıq-tölek êşlänmäläreneñ êksportlanıluın belderüçe Zelenskiy: "Bu êşne qamilläşterü öçen böten närsäne yasadıq häm yärdäm itkän böten urtaqlarıbızğa räxmät äytäm. BMO Ğomum särkätibe Guterreşkä, Türkiyägä häm şäxsän İlbaşı Ärdoğanğa räxmätemne belderäm”, - dip äytte.

Global’ açlıq krizisınıñ totqarlanıluı yünäleşendä aşlıq kereşüeneñ kiñäytelüe öçen söyläşülär ütkärülären, şuşı iniśiativada Amerika Quşma Ştatları, Germaniya, Yaponiya, Pol’şa häm Bel’giya kebek illärneñ dä qatnaşırğa teläwen iskärtep uzuçı Zelenskiy: "Dön’ya berdäm bulsa açlıq xäl iteler”, - dip bäyäläw yasadı.

Rusiyäneñ Ukrainağa qarşı kiçä dä hawa höcümnären oyıştıruın äytüçe Zelenskiy höcümnär näticäsendä tınıç xalıqtan 7 keşeneñ häläq buluın häm bu sannıñ arta alaçağın belderde.

Kiçä yasalğan höcümnär waqıtında da Ukrainadağı ênergiya asqormasınıñ zıyan kürüen citkerüçe Zelenskiy başqala Kiev belän bergä ilneñ törle töbäklärendä 10 millionnan kübräk keşeneñ êlektrsız qaluın iskärtep uzdı.