Tön’yaq Koreya ballistik raketa oçırtqan
Tön’yaq Koreyanıñ Yapon diñgezenä taba ballistik raketa oçırtuı belderelde
Kön’yaq Koreya ğomum ştab räislegeneñ belderüenä kürä, Tön’yaq Koreyanıñ könçığış yar buyındağı Kangwonnan cibärelgän qısqa radiuslı ballistik raketa Yapon diñgezenä kilep töşkän.
Raketa sınawı cirle waqıt belän säğät 10.48dä yasalğan.
Yaponiya Kabinetı Baş särkätibe Matsuno Hirokazu raketa belän bäyle mäğ’lümatlärneñ analiz êtabında buluın häm ileneñ Amerika Quşma Ştatları häm Kön’yaq Koreya belän xezmättäşlegen däwam itteräçägen äytte.
Sınawnıñ Pxen’yan citäkçelegeneñ AQŞnıñ töbäktä kiñäytelgän totqarlaw kampaniyasın däwam itkän oçraqta tağın da kisken xärbi çaralarnı ütkärü belän yanawdan soñ ütkärelüe iğ’tibarnı cälep itte.
Tön’yaq Koreya tışqı êşlär ministrı Choe Son Hui yasağan belderüendä: "AQŞ berlektäşlärenä “köçäytelgän kiñäytelgän totqarlaw täq’dimendä ni qadär qatğıy bulsa häm Koreya yarım utrawındağı qotqı saluçı xärbi êşçänlegen ni xätle kübäytsä, Tön’yaq Koreyanıñ xärbi qarşılıq kürsätüe dä şul qadär köçle bulaçaq”, - dip äytkän ide.
Kön’yaq Koreya saqlanu ministrlığı süzçese Moon Hong Sik Tön’yaqnıñ atom-töş häm raketa yanawların däwam ittergän şartlarda Kön’yaq Koreya, AQŞ häm Yaponiya arasındağı iminlek xezmättäşlegeneñ şaqtıy ähämiyätle buluın beldergän ide.
