Qorallı höcümdä 18 keşe ğomeren yuğaltqan

Nigeriyäneñ Plato ştatında  oyıştırılğan qorallı höcümdä 18 keşeneñ ğomere özelgän.

Milli massaküläm mäğ’lümat çaraları xäbär itkänçä, motośiklda qorallı keşelär Plato ştatınıñ Maykatako cirlegenä höcüm itkän.

Höcümdä 18 keşe ğomeren yuğaltqan, küp sanda keşe cäräxätlängän.

Poliśiyäneñ cämäğät’çelek belän êlemtälär mödire Al’fred Alabo yaralanğan keşelärneñ xastaxanägä ozatıluın, waqıyğa urınına qurqınıçsızlıq köçläre cibärelüen beldergän.

İldä soñğı waqıtlarda qorallı keşelärneñ motośikllar belän  kilep höcüm itüe näticäsendä qayber ştatlarda motośikl qullanu tıyılğan ide.