Kripto aqça qaraqları totqarlandı

Awrupada 100 meñnän artıq keşeneñ xalıqara kripto aqça maxinaśiyäläre qorbanı buluı açıqlandı.

Awrupa Berlege poliśiyä oyışması Yevropol oyıştırğan Albaniyä märkäzle operaśiyädä älege êşlär belän mäşğul’ banda totqarlana.

İspaniyä jandarmeriyäse häm Kataloniyä cirle poliśiyäsennän birelgän mäğ’lümatlarğa qarağanda, 8nçe-9nçı noyabr’dä uzğan çarada Germaniyä, Şveśiyä, Finlyandiyä, Latviya, Ukraina, Gruziyä häm Albaniya poliśiyäse dä qatnaşqan. Operaśiyädä kripto aqça maxinaśiyäläre belän 2 milliard 400 million yevrodan artıq kerem otqan ber cinayät’çel çeltärneñ tarqatıluı belderelä.

Çara qısalarında Albaniyäneñ 3 şähärendä cinayät’çel çeltärneñ 2 yuğarı däräcäle cawaplısı saq astına alınğan, 16 keşedän soraw alalar. Banda Awrupada 100 meñnän artıq keşene kripto aqça belän töp başına utırtqan.

Üzäge Albaniyädä bulğan cinayät’çel törkem yalğan brokerlar yärdäme belän finans dön’yası turında zur mäğ’lümatqa iyä şikelle qılanğan häm keçkenä investorlarğa zuq aqçalar ışandıruçı internet säxifäläre aşa qorbannarın cälep itkän.