Djim Kerriğa Rusiyägä kerü tıyıla
Tanılğan aktyer sankśiyä isemlegendä
1906433
Rusiyä tanılğan kino yoldızı Djim Kerrinı da kertep 100 Kanada watandaşına qarata sankśiyä qararı çığardı.
Rusiyä tışqı êşlär ministrlığınnan bu xaqta yasalğan belderüdä äytelgänçä, Kanada Rusiyäneñ idarä, biznes, êkologiyä häm mädäniyät wäkilläre, säyäsätçeläre häm deputatları, belgeçlärenä qarata sankśiyälären däwam itä. Moña cawap bularaq 100 Kanada watandaşı sankśiyä isemlegenä kertelde häm alarnıñ Rusiyägä ayaq basuı tıyıldı. Anda Kanadanıñ yuğarı däräcäle däwlät êşlekleläre, êşquarları, aktivistları, matbuğat häm finans oyışmaları wäkillärennän tış tanılğan aktyer Djim Kerri da urın ala.
Rusiyä tışqı êşlär ministrlığı 11nçe noyabr’dä 200 Amerika watandaşınıñ sankśiyä isemlegenä kertelüen häm alarnıñ ilgä kerüe tıyıluın beldergän ide.
