Awrupa Berlege terrorçılıqqa qarşı bergäläp köräşergä çaqırdı

Awrupa Berlege şurası räise Çarl’z Mişel’ İstanbuldağı terrorçı höcüme turında belderü yasap törek xalqı yanında buluların häm terrorçılıq belän köräşneñ ähämiyäten assızıqladı. Ul İndoneziyäneñ Bali şähärendä uzuçı 17nçe G20 liderlar sammitı qısalarında oyıştırılğan matbuğat cıyılışında çığış yasadı.

“Bu faciğale höcümnän soñ uq törek xalqına qayğınamäbezne häm teläktäşlegebezne citkerdek. Bu wäzğıyät’ terrorçılıqqa qarşı köräşebezneñ urtaq köräş buluın kürsätä,”-dide Çarl’z Mişel’. Ul bulaçaq höcümnärne kirtäläw mäs’äläsendä küzläw berlekläre arasında här däräcädä xezmättäşlek zarurlığın assızıqladı.

“Här cirdä terrorçılıqqa qarşı köräşneñ häm xezmättäşlekneñ täêmin itelüen telibez. Bu mäs’älädä Awrupa Berlegeneñ nıqlı poziśiyäse bar,”-dide wäqalätle zat.