"Ukrainada 100 meñnän artıq rus ğaskäriye ülde yäisä yaralandı"

Amerika Quşma Ştatlarınıñ ğomumştab başlığı, general Mark Milley Ukrainada 100 meñnän artıq Rusiyä ğaskäriyeneñ ülüen yäisä yaralanuın äytte. Ul Rusiyäneñ suğış başında qulğa töşergän Xerson şähärennän çigenüen häm qışın mondıy “qısılular” tağın bula aluın, älege wäzğıyät’neñ isä ike däwlät öçen dä tınıçlıq söyläşüläre başlawğa forsat täêmin itä aluın belderde.  

Milley äytüençä, Rusiyäneñ Xersonnan 20-30 meñ ğaskäri belän tulısınça kire çigenüe berniçä atna däwam itärgä mömkin. Ul ruslarnıñ monı berleklärne yazğı höcümgä äzerläw öçen êşli aluın da iskärtä. “Monı Dnepr yılğasınıñ kön’yağında saqlanu sızığın qabat qoru öçen köçlären cıyu maqsatınnan êşläwlärenä ışanam,”-di xärbi.

Milley Rusiyä belän Ukraina arasında 9 ay baruçı suğışta 40 meñ ukrainalı grajdanlı, 100 meñnän artıq rus ğaskäriye üterelüe yäisä yaralanuı turında söyli. Ul Ukraina yağında da oxşaş sannar bulırğa mömkin ikänen äytä.

İsegezgä töşeräbez, Rusiyä saqlanu ministrlığı Xerson şähärendäge saqlanu sızığınıñ Dnepr yılğasınıñ sul yarına çigenäçägen belderde.