Ukraina aşlıq êksportın arttırmaqçı

Ukraina däwlät başlığı Volodimir Zelenskiy aşlıqnı çığaru öçen yaña yullar êzläwlären belderde

1904055
Ukraina aşlıq êksportın arttırmaqçı

Ukraina däwlät başlığı Volodimir Zelenskiy Qara diñgez aşlıq koridorı kileşüe qısalarında aşlıq êksportın arttırırğa tırışuların belderde. Lider tönge säğat’lärdä Telegram kanalında videoyullama yasadı. Anda ul dön’ya külämendä azıq-tölek krizisı bulğan däwlätlärgä yardam qulın alğa taba da suzaçaqların äytep bolay dide: “Bigräk tä, aşlıq êksportın däwam itü häm kiñäytü öçen tırışabız. Moña bez daimi gumanitar komponent ta östäyäçäkbez. Alğa kitkän häm iñ vöcdanlı illär belän bergä azıq-tölek krizisı kiçerüçe däwlätlärgä häm xalıqlarğa yärdämnärne arttıraçaqbız”.

Zelenskiy aşlıq täêminatın arttıru mäs’äläsendä aktiv êşçänlek alıp baruların citkerde.

“Çınlıqta, berlektäşlärebez belän azıq-tölek qurqınıçsızlığın yaña däräcädä garantiyägä alunıñ nigeze bulırğa mömkin xezmättäşlek başlıybız,”-dide ul.

Zelenskiy Ukrainada, Rusiyägä qarşı däwam itüçe suğış qısalarında, barlıq front sızığı buyınça bäreleşlärneñ baruına iğ’tibarnı cälep itte. Ul iñ qaynar noqtanıñ Doneśk frontında buluın assızıqlap: “Andağı cirlärebezneñ ber santimetrın da birmäyäçäkbez,”-dide.



Bäyläneşle xäbärlär