Awrupada êsse hawa dulqınnarı kim digändä 15 meñ keşene yaqtı dön’yadan alıp kitkän
Bu xaqta Bötendön’ya sälamätlek saqlaw oyışmasınıñ Awrupa direktorı xäbär itte
Awrupada cäyge êsse hawa dulqınnarı arqasında kim digändä 15 meñ keşe ğomeren yuğaltqan.
Bötendön’ya sälamätlek saqlaw oyışmasınıñ Awrupa direktorı Xans Klug Awrupadağı qızu hawa ağımnarına qağılışlı statistika belän urtaqlaştı.
Klug bilgeläp uzğança, illär urtaqlaşqan mäğ’lümatlarğa qarağanda, 2022 nçe yılda êsse hawa torışı arqasında kim digändä 15 meñ keşeneñ ğomere özelgän.
Qızu hawa dulqınnarı İspaniyädä yaqınça 4 meñ keşene, Portugaliyada 1000 tiräse, Angliyädä 3 meñ 200 keşene, Germaniyädä 4 meñ 500 tiräse keşene yaqtı dön’yadan alıp kitkän.
Xans Klug, êffektiv çaralar kürelmäsä, êsse hawa ağımnarı kiläse yıllarda tağın da kübräk ülemgä kiteräçäk dip kisätte.
Bäyläneşle xäbärlär
Xan-Yunusta yaña mäyetlär tabıldı
“Nasır xastaxanäse” kompeksında tabılğan kümäk qaberlektän tağın 51 mäyet çığarıldı
