Europol cinayät’ oyışmalarına operaŝiyalär oyıştırğan

Awrupa Berlegeneñ Poliŝiya oyışması Europol beldergänçä Balkan häm Könçığış Awrupa illärendäge cinayät’ oyışmalarına qarağan 26-29 oktäbr’ könnärendä oyıştırılğan operaŝiyalärdä 382 keşe qulğa alındı.

Europoldan yasalğan yazma açıqlawğa kürä Awrupa Berlegenä äğza bulğan 28 ilneñ iminlek köçläre belän bergä Eurojust, Frontex häm INTERPOL yärdäme belän oyıştırılğan operaŝiyalärdä 16 meñ personal wazifa başqardı.

Totılğan 382 keşedän 159ınıñ migrantlarnı qanunsız kertü, 112eseneñ narkobiznes, 38eneñ qoral kontrabandası, 2eseneñ keşe belän säwdä itü häm 71eneñ başqa cinayät’lärdän qulğa alınuı belderelde.

Operaŝiyalär qısalarında 32 665 maşina häm 998 urın êzlängän, 75 meñ keşeneñ şäxes tanıqlığı tikşerelgän häm yaqınça 2 tonna narkotik maddä, 5402 marixuana tamırı häm şaqtıy utlı qoral qulğa töşerelgän.

Europol älege operaŝiyalär näticäsendä 130 yaña tikşerüneñ açıluın citkerde.