Äfganstanda poliomielitqa qarşı vakśinaśiya kampaniyäse başlanğan
Ul 22 provinśiyäne üz êçenä ala
Äfganstannıñ 22 provinśiyäsendä poliomielitqa qarşı vakśinaśiya kampaniyäse başlanğan.
Bu xaqta Taliban waqıtlıça xökümäteneñ sälamätlek saqlaw ministrlığı süzçese Şerafet Zaman belderä.
Ul bilgeläp uzğança, ildä poliomielit belän awıru kimegän, bıyıl Kunar häm Paktika töbäklärendä berär oçraq kürelgän.
Şerafet Zaman:”Bu törle provinśiyälärdä tormışqa aşırılırğa tiyeşle aşığıç kampaniya. Ul 4 kön däwam itäçäk. Bez 5 yäş’kä qadärge yaqınça 6 million balağa privivka yasarğa uylıybız”,- dide.
Äfganstan häm Paqıstan poliomielit kürelgän soñğı ike il bularaq ayırılıp tora.
Bıyıl Paqıstanda 20, Äfganstanda isä 2 poliomielit oçrağı terkälgän.
Bäyläneşle xäbärlär
Vaşington Qıtaynıñ Afrikadağı yoğıntısına kirtä quya almıy
AQŞ idaräse Afrikanı östenlek xälenä kiterä almağaç, Qıtay töbäktäge yoğıntısın arttırdı
