5,3 milliard kesä telefonı çüpkä kitäçäk
Bu faraznı Xalıqara êlektr häm êlektron cihaz qaldıqları forumı belderde
1892911

Bıyıl dön’yada 5,3 milliard kesä telefonı taşlanır dip farazlana.
BBC beldergänçä Xalıqara êlektr häm êlektron cihaz qaldıqları forumı WEEE 2022 yılda 5,3 milliard kesä telefonı êşkärtelmiçä genä taşlanır dip farazlıy.
Ker yuu maşinalarınnan alıp tosterlar, planşet häm sanaqlar, global’ poziŝiyaläw sisteması caylanmalarına qadär törle êlektr häm êlektron qaldıqlarnıñ “tawı” 2030 yılğa xätle yılına 74 million tonnağa artacağı küzdä totıla.
WEEEdan Magdalena Xaritanoviç êşkärtüneñ uglerodnı kimetü cähatennän zur ähämiyätkä iyä buluın belderde.
WEEE ğomüm mödire Paskal’ Leroy isä êşkärtüne qulaylaştıru öçen supermarketlarda cihaz cıyu tartmaların urnaştıru häm êlektron qaldıqlarnı qaytaru öçen poçta tartmaları quyu zarurlığın citkerde.