Tön’yaq Koreya: “Maqsatıbız – doşmannarnı yuq itü”
Tön’yaq Koreya Kön’yaq Koreya belän Amerika Quşma Ştatlarınıñ töbäktä oyıştırğan xärbi künegülärdän soñ ütkärgän raketa sınawınıñ maqsatınıñ "doşmannarnı yuq itü” buluın belderde
Koreya üzäk xäbär agentlığı (KCNA) soñğı waqıtlarda uzdırılğan raketa sınawlarınıñ buluı mömkin Kön’yaq Koreya häm AQŞ tämeklären “bärü häm yuq itü” öçen başqarıluın iğ’lan itte.
Agentlıq (KCNA) Amerika Quşma Ştatları häm Kön’yaq Koreyanıñ AQŞnıñ “USS Ronald Reagan” isemle aviayörtkeç qatnaşuında başlatqan diñgez xärbi künegülärenä cawap bularaq raketa sınawınıñ ütkärelüen belderde.
Tön’yaq Koreya monnan alda yasağan belderüdä dä soñğı könnärdä ütkärgän raketa sınawlarınıñ "legal’ räweştä üz-üzeñne saqlaw” buluın alğa sörgän ide.
Soñğı 2 atnada 7nçe raketa sınawın ütkärgän Tön’yaq Koreyanıñ 4nçe üktäbr’dä oçırtqan ballistik raketa 2017nçe yıldan soñ berençe tapqır Yaponiyanıñ tön’yaq-könçığışınnan uzğan häm Tın okeanına kilep töşkän ide.
AQŞ häm Kön’yaq Koreya Tön’yaq Koreyanıñ ballistik raketa oçırtuına cawap bularaq urtaq xärbi künegülärdä Yapon diñgezenä cir östennän cirgä 4 raketa cibärgän ide.
Şul uq waqıtta Amerika Quşma Ştatları urtaq diñgez künegülärennän soñ Koreya yarım utrawınnan kitkän “USS Ronald Reagan” aviayörtkeçeneñ 5nçe üktäbrdä Yapon diñgezenä qaytaçağın beldergän ide.
Şunnan soñ Tön’yaq Koreya 6nçı üktäbrdä Yapon diñgezenä taba ike ballistik raketa cibärgän ide.
Amerika Quşma Ştatları, Kön’yaq Koreya häm Yaponiya soñğı 5 yılda berençe tapqır 30nçı sentyabrdä Yapon diñgeze yanındağı xalıqara su kiñlegendä anti-su astı künegülären oyıştırğan ide.
Pxen’yan citäkçelegeneñ 2022nçe yıl başınnan birle Berläşkän Millätlär Oyışması qararların bozıp, törle radiuslarda 20dän kübräk ballistik raketa sınawın ütkärüe belenä.
Bäyläneşle xäbärlär
Xan-Yunusta yaña mäyetlär tabıldı
“Nasır xastaxanäse” kompeksında tabılğan kümäk qaberlektän tağın 51 mäyet çığarıldı
