Nigeriyädä êbola virusı turında kisättelär
Anıñ ildä taralu qurqınıçı zur
Nigeriya üz watandaşların êbola virusınıñ ildä taralu qurqınıçı turında kisätte.
Nigeriya awırularnı kontrol’dä totu üzäge belderüendä Ugandada ütergeç êpidemiyägä qarşı köräş däwam itkändä virusnıñ başqa Afrika illärenä taralu qurqınıçı barlığı äytelä.
”Xäzerge mäğ’lümatlarğa qarağanda êbola virusınıñ Nigeriyägä taralu qurqınıçı zur. Êbolanıñ Sudan variantın xäzerge waqıtta däwalaw öçen êffektiv daru yäki profilaktika öçen liśenziyäle vakśina yuq” diyelä belderüdä.
Ugandada 19 nçı sentyabr’dä 24 yäş’lek ber keşedä siräk oçrıy torğan Sudan variantı buluı belderelgän êbola virusı tabılğan ide.
Êbola berençe tapqır 1976 nçı yılda Sudannıñ Nzara häm Kongonıñ Yambuku şähärlärendä ber ük waqıtta kilep çığa.
2013 nçe yılnıñ dekabrendä ul Könbatış Afrikada tarala.
2014-2017 nçe yıllarda Gvineya, Liberiya häm S’yerra-Leoneda bulğan êpidemiyädä 30 meñ keşe virus belän zararlana häm ul 11 meñnän artıq keşene yaqtı dön’yadan alıp kitä.
