Ukraina portlarınnan cibärelgän aşlıq
Ukraina portlarınnan cibärelgän aşlıq miqdarı 6 millon tonnadan artıp kitte
Rusiyä-Ukraina suğışı arqasında yäşängän "azıq-tölek krizisı" riskınıñ beterelüenä qağılışlı Türkiyäneñ tırışuları belän buldırılğan "aşlıq koridorı"nnan bügengä qadär cibärelgän aşlıq miqdarı 6 million tonnadan uzdı.
Türkiyä Milli saqlanu ministrlığınnan yasalğan belderügä kürä, 2022nçe yılnıñ 22nçe iyül’ könne İstanbulda Türkiyä, Rusiyä, Ukraina häm Berläşkän Millätlär Oyışması tarafınnan "Aşlıq häm azıq-tölek produktlarınıñ Ukraina portlarınnan qurqınıçsız räweştä cibärelüe dokumentı”na imza salındı.
İstanbuldağı urtaq koordinaśiya üzägeneñ 27nçe iyül’dä êşçänlegenä başlawı belän Ukrainanıñ Odessa portınnan berençe köymä 2022nçe yılnıñ 1nçe avgust könne xäräkät itterelde.
Bügengä qadär 260 köymä Ukraina portlarınnan çıqtı, cibärelgän aşlıq küläme isä 6 million tonnadan uzdı.
Köymälär belän kukuruz, boday, könbağış şrotı, könbağış mayı, şikär çögendere, soya, borçaq häm arpa kebek azıq-tölek êşlänmäläre alıp barıla.
Ayıruça bügen tağın 8 köymäneñ Ukraina portlarınnan xäräkät itüe belderelde.
