"Bayrağıbız här cirdä bulaçaq"

Bu xaqta Ukraina däwlät başlığı Vladimir Zelenskiy belderde

1887238
"Bayrağıbız här cirdä bulaçaq"

Ukraina däwlät başlığı Vladimir Zelenskiy Ukraina bayrağınıñ Doneŝk töbägendä urnaşqan Liman şähärendä cilferdäwen belderep: “Ukraina üzenä kire qaytaçaq. Könçığışta, kön’yaqta, xäzer alırğa telägän häm 2014tän birle alınğan Qırım, barısı da. Bayrağıbız här cirdä bulaçaq,” – dide.

Zelenskiy soŝial’ säxifälärdäge akkauntlarında Ukraina armiyase alğa barğan Liman şähärendäge wazğıyät’ belän bäyle video açıqlaw yasadı.

Ukraina köçläre töbäktä qabat qulğa töşergän toraq punktlarına işarät itkän Ukraina liderı tübändägeçä citkerde: “Bu atna êçendä Donbassta kübräk Ukraina bayrağı bar ide. Tağın ber atnada kübräk bulaçaq. Güyä referendum ni êşkä yarıy? Ukraina xäräkäte däwam itäçäk. Ukraina bayrağı Doneŝk töbägendäge Liman şähärendä cilferdi. Anda bäreleşlär däwam itä läkin referendum turında süz barmıy. Ukraina üzenä kire qaytaçaq. Bayrağıbız här cirdä bulaçaq.”



Bäyläneşle xäbärlär