Awrupa Berlege ênergetika ministrları cıyıla
Alar 140 milliard yevro resurs buldırıp, anıñ belän watandaşlar häm biznesqa yärdäm täêmin itü yulların qarayaçaq
Awrupa Berlege äğ’zası illärneñ ênergetika ministrları êlektr häm tabiğıy gaz bäyälärendäge üsügä qarşı yaña çaralar xaqında söyläşü öçen çirattan tış utırışqa cıyıla. Ul Çexiyäneñ çaqıruı nigezendä Bel’giyä başqalası Brüssel’dä uza.
Cıyılışta êlektr bäyälären töşerü maqsatınnan pik säğat’lärendä qullanunı kimetü öçen çaralar, êlektr citeşterüdän çiktän tış küp kerem aluçı şirkätlärdän pay alu häm qazılma yağulıq tarmağındağı firmalarnıñ artıq tabışınnan berdämlek salımı cıyu täq’dimnare qaralaçaq.
Bolar yärdämendä Awrupa Berlege däwlätläreneñ tulayım 140 milliard yevro resurs buldırıp, anıñ belän watandaşlar häm biznesqa yärdäm täêmin itüe kötelä.
Ênergetika ministrları soñınnan gaz bäyälären töşerü öçen tağın da kübräk säyäsät mömkinlekläre turında fiker alışaçaq.
