Germaniyä 5 zur bozlığınıñ bersen yuğalttı
Al’plardağı Kön’yaq Şneferner êregän
1885146
Germaniyädä bu cäy bulğan çiktän tış êsselek arqasında Al’plardağı Kön’yaq Şneferner êregän. Anı bozlıq statusınnan çığardılar.
Bav’yera fännär akademiyäsennän belderülärençä, Germaniyäneñ xäzer 4 zur bozlığı qaldı.
Nemeś ğalimnäre bu ay Kön’yaq Şnefernerda ülçäw êşçänlekläre uzdırğannan soñ bozlıqnıñ 4 yılda yartılaş keçeräyüen belderde. Anıñ küp öleşeneñ 2 metrdan äz genä qalın buluın häm şuña kürä bozlıq statusın yuğalturın citkerdelär.
Belgeçlär keçeräygän boz qatlamınıñ 1 yäisä 2 yıl êçendä tulısınça êrep yuqqa çığaçağın farazlıy. Ul ğına tügel, ğalimnär Awrupadağı bik küp bozlıqnıñ klimat üzgärü säbäple kiläse yıllarda yuqqa çığuğa yöz totuın äytä.