Awrupa Berlege: "Gaz sarquı maxsus êşlängän ğamäl"

Daniyä häm Şveśiyä sulıqlarında Rusiyäneñ Tön’yaq Ağım-1 häm Tön’yaq Ağım -2  gazütkärgeçlärendä 3 cirdän yağulıq sarquı belderelde

1885574
Awrupa Berlege: "Gaz sarquı maxsus êşlängän ğamäl"

Awrupa Berlege Tön’yaq Ağım-1 häm Tön’yaq Ağım -2 ütkärgeçlärendäge gaz sarqularınıñ maxsus êşlängän ğamälneñ näticäläre buluın belderde. Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell Baltıyq diñgezendäge gazütkärgeçlärgä birelgän zarar häm annan yağulıq sarquına borçıluların äytte. Ul iminlek häm êkologiyäneñ iñ zur östenlek buluın assızıqladı.

“Bu waqıyğalar oçraqlılıq tügel häm barıbızğa täêsire zur. Barlıq mäğ’lümatlar sarqularnıñ maxsus êşlänüen kürsätä. Närsä buluına häm nişläp buluına açıqlıq kertüne maqsat itep quyuçı här tikşerenügä yärdäm itäçäkbez häm ênergetika iminlegendäge nıqlığıbıznı arttıraçaq adımnar yasayaçaqbız. Awrupa ênergetika asqormasın bozuçı yawız niyätle ğamällär qabul itelä almıy häm berlek êçendä moña köçle qarşılıq bulaçaq,”-dip söyläde Borrell.

Daniyä häm Şveśiyä sulıqlarında Rusiyäneñ Tön’yaq Ağım-1 häm Tön’yaq Ağım -2  gazütkärgeçlärendä 3 cirdän yağulıq sarquı belderelde, korablarğa älege urınğa yaqınlaşmasqa kisätü yasaldı.

İke il dä sarqularnıñ oçraqlı tügel, maxsus êşlängän zararnıñ näticäse buluı turında bilgelär barlığın citkerde.



Bäyläneşle xäbärlär