Norvegiya gazın Pol’şağa qudıraçaq ütkärgeç açıldı

Norvegiya tabiğıy gazın Daniya aşa Pol’şağa citkeräçäk "Baltic Pipe" tabiğıy gaz ütkärgeçeneñ açılış tantanası oyıştırıldı

1885340
Norvegiya gazın Pol’şağa qudıraçaq ütkärgeç açıldı

Pol’şanıñ Goleniow qalasında oyıştırılğan tantanada Pol’şa İlbaşı Andrzej Duda, Baş ministrı Mateusz Morawiecki häm Daniya Baş ministrı Mette Frederiksen qatnaştı.

Morawiecki açılış tantanasında yasağan çığışında tabiğıy gaz tarmağında Rusiyä xakimiyäteneñ bügen betäçägen belderep:

"Yaña ber xakimiyät, ênergiya irege häm artqan ênergiya iminlege çorına keräbez. Qurqınıçsızlıq xezmättäşlektän kilä. Dön’yağa xezmättäşlek häm teläktäşlek yulı belän qıytğabıznıñ iminlegen häm ênergiya möstäqıyllegen arttırunıñ mömkin buluın kürsätäbez”, - dip äytte.

Morawiecki şuşı ütkärgeçneñ irek, suverenlıq, ışanıç häm tınıçlıq simvolı buluına basım yasadı.

Norvegiyadan Pol’şağa ber yılda 10 milliard kub metr qudıraçaq ütkärgeçtä gaz cibärelüe 1nçe üktäbr’dä başlanaçaq.



Bäyläneşle xäbärlär