Olaf Şol’ś koronavirus êläkterde

Germaniyä xökümäte räise Olaf Şol’śnıñ koronavirus êläkterüe belderelde. Nemeś xäbär agentlığı DPAda urın alğan xäbärgä qarağanda, kanślernıñ Kovid-19 testınıñ pozitiv çığuın xökümät süzçese Şteffen Xebestrayt citkerde. Ul Şol’śnıñ xökümät yortı binasındağı fatirında izolyaśiyälänüen äytte.

Xebestrayt citkergänçä, kanślerda ciñelçä cuıq tiyü simptomnarı bar. Ul bu atnada planlaştırılğan cämäğat’çelekkä açıq oçraşuların ğamäldän çığara. Tik töbäk başministrları belän bulaçaq cıyılışlarda onlayn qatnaşırğa uylıy.

Şol’ś 24nçe-25nçe sentyabr’ könnärendä Soğud Ğaräbstanı, Berläşkän Ğaräp Ämirlekläre häm Katarğa säfär yasadı.

Şul uq waqıtta, Germaniyä êçke êşlär ministrı Nensi Freyzer da Twitter aşa üzeneñ Kovid-19 êläkterüen belderde häm härkemgä közge aylarda diqqat’le bulırğa kiñäş itte.