Comğa namazına kilüçelärgä attılar

Nigeriyanıñ Zamfara töbägendä ber mäçetkä yasalğan höcümdä 18 keşeneñ ğomere özelde.

Milli matbuğatta çıqqan xäbärlärgä qarağanda, qorallı törkem kilep comğa namazı öçen cıyıluçılarğa ut açqan. Höcümdä ülüçelärdän tış, yaralanuçılar da bik küp.

Zamfara poliśiyä idaräse wäkile Möxämmät Şexu älege waqıyğanı rasladı, tik ülüçelär sanı turında mäğ’lümat birmäde.

Töbäktä inde 5 yıl terlekçelek belän şöğıl’länüçe fulanilar belän fermer qabilälär arasında köçle bäreleşlär bula.  Xökümät, cirlektäge iminlek problemaları artqaç, êläkterelgän banda äğ’zalarına ülem cäzası bireläçägen belderde.

Nigeriyä däwlät başlığı Möxämmät Buxari, xätta, monnan alda töbäktä tärtip urnaştıru öçen şaxta êşçänleklären dä tıydı.

Zamfara gubernatorı Bello Matawalle 26nçı iyün’dä töbäktä yäşäwçelär bandalarğa qarşı üzlären yaqlıy alsın öçen şäxsi qorallanu çaqıruı yasadı. Nigeriya armiyäse häm poliśiyä älege çaqıruğa qarata rizasızlıq belderde.